Grrrrrrrrrrrrrrr............
Hallo, ihr Träume meiner schlaflosen Nächte!
Isch saach eusch abber aans, viele schlaflose Nächte hab isch net.
Tja, e bissi frustrierend iss des ja alles schon. Da hab isch Angebote ohne Ende, grenz die dann e bissi ein unn was passiert?
Die aanzische, die sisch melde, sinn en Kraftprotz, en Schameur, der sisch gesche den Kraftprotz net wehrn kann unn en Intellektuelle, der die Wäsch macht.
Unn was iss mit dem ganze Rest? Häh?
Mir erst de Schnabbel wässerisch mache unn dann, wenn's eng werd, nix mehr saache?
Bin isch eusch vielleischt net schee genuch?
Was iss dann los mit eusch Kerle?
Mir scheint, net viel?
Also des saacht mer eischentlisch, daß ich da uff e traurisch Lebe mit eusch hinsteuern dät, wenn ihr mir net ema Antwort gebt!
Isch waaß ja, es iss Herbst, abber, Jungs, es nächste Frühling kommt bestimmt! Unn dann? Hockt ihr all widder da unn fracht eusch, was ihr mit all dene Hormone in euerm Kopp, unn wo annerst, mache sollt.
Aans saach isch eusch, DANN bin isch aach net mehr zu habbe. Bis dahin habb isch en Kerl! Egal wie!
Na, was iss jetz mit eusch?
Grrrrrrrrrrrrrrrrrrr...............
euer
Ännchen