Sonya0_7
Foren-Guru
- Beiträge
- 1.551
Pah, Max,
was de da widder fören Quatsch schreibbst!!! Jetz werd's abber endlisch ema Zeit, daß der die Dande Rinus ema e Landkart zeischt! Unn wie da Spanien unn Pottugall druff iss! Unn isch waaß genau, daß mei Mamma da erst war vor korzem! Wenn se misch dann erst ema mitnimmt, unn isch schreib der e Aasischtskart vonn da unne! Unn rootes Papricka iss sehr wohl gesund! Da hadd die Dande Rinus ganz rescht. Kannst doch net einfach saache, des taucht nix, nur weil du des net fresse willst!
Abber mit dem Baade.... da haste rescht.
Gniiiiiie-hi-hi, du unn en Politiker, obwohl, eischentlisch deet des ja passe. Die Beste, des sinn die, die immer lüsche unn wenn des stimmt, daß dein Oppa Pinocchio war, dann hättste ja die beste Voraussetzunge, dein Schnabbel deutet ja druff hie! Abber wenn de noch viel lüschst, dann stichste der erschendwann ema selber in de Bauch odder in die Brust, je nachdem, wie krumm dein Zinke noch werd!
Unn wesche deine Niehlferd-Naaselöscher, des hat die Agathe ja wohl aach gemerkt. Immerhin hat se der da ja gleisch Bescheid gesaacht, wie de rer dumm komme bist! Unn, gniiiiiieh-hi-hi, ihrn Golfball wolltse ja aach drinne parke duun. Muß ja erschendwo her komme......
Unn Besuch, ha, wer waaß dann, wer des war? Des warn vielleischt Leut, die bis jetz immer nur Wellesiddisch unn Schwalbe gesehe habbe. Die aane sinn zu klaa, als des mer was sehe könnt unn die annern zu hoch in de Luft! Die habbe mit Sischerheit noch niiiiiie e Amazohn gesehe unn wisse deshalb net, wie so was aussehe sollt! Das die Leut die Mia schick gefunne habbe, des glaab isch, abber disch?! Odder die warn ganz einfach zu guut erzoche unn saache der net ins Gesischt, was se von der denke! Lees doch ema hier im Forum: wenn de was findst, wo jemand fassungslos nachfraacht, warum's Leut gibbt, die ihrm griene Ara des Schwanz abschneide, dann waaste, des war euern Besuch! Abber isch glaab aach, des de, wie immer, wenn de was Neues siehst, einfach dei grooß Klapp gehalte hast unn da konnte die Leut gaar net merke, wie dumm daß de bist!!!
Unn die Ehre hat bestimmt widder die Mia gerettet! Jaaa, daß die Leut von dere begeistert warn, des glaab isch. Abber wann se disch hädde zehe Minute uff'm Arm halte, dann wärn se heut beim Aazt wesche ner Sehnescheid-Entzündung!!!!
Wart ema abb, was die Agathe ibber disch saache werd, wenn se saache derf, was se saache will. Wenn die Azrael se läßt.
Dann gugge mer ma weider, du, du, du, du griener Gockel, du!!!
Solang, daß de weider sachst, isch lüsch unn mei Mamma lüscht aach unn die Dande Rinus aach, da waaß isch net, ob isch ibberhaupt noch mit der redde soll. Jawoll!!!
Hochachtungsvoll
Lady Ännchen Macbeth
was de da widder fören Quatsch schreibbst!!! Jetz werd's abber endlisch ema Zeit, daß der die Dande Rinus ema e Landkart zeischt! Unn wie da Spanien unn Pottugall druff iss! Unn isch waaß genau, daß mei Mamma da erst war vor korzem! Wenn se misch dann erst ema mitnimmt, unn isch schreib der e Aasischtskart vonn da unne! Unn rootes Papricka iss sehr wohl gesund! Da hadd die Dande Rinus ganz rescht. Kannst doch net einfach saache, des taucht nix, nur weil du des net fresse willst!
Abber mit dem Baade.... da haste rescht.
Gniiiiiie-hi-hi, du unn en Politiker, obwohl, eischentlisch deet des ja passe. Die Beste, des sinn die, die immer lüsche unn wenn des stimmt, daß dein Oppa Pinocchio war, dann hättste ja die beste Voraussetzunge, dein Schnabbel deutet ja druff hie! Abber wenn de noch viel lüschst, dann stichste der erschendwann ema selber in de Bauch odder in die Brust, je nachdem, wie krumm dein Zinke noch werd!
Unn wesche deine Niehlferd-Naaselöscher, des hat die Agathe ja wohl aach gemerkt. Immerhin hat se der da ja gleisch Bescheid gesaacht, wie de rer dumm komme bist! Unn, gniiiiiieh-hi-hi, ihrn Golfball wolltse ja aach drinne parke duun. Muß ja erschendwo her komme......
Unn Besuch, ha, wer waaß dann, wer des war? Des warn vielleischt Leut, die bis jetz immer nur Wellesiddisch unn Schwalbe gesehe habbe. Die aane sinn zu klaa, als des mer was sehe könnt unn die annern zu hoch in de Luft! Die habbe mit Sischerheit noch niiiiiie e Amazohn gesehe unn wisse deshalb net, wie so was aussehe sollt! Das die Leut die Mia schick gefunne habbe, des glaab isch, abber disch?! Odder die warn ganz einfach zu guut erzoche unn saache der net ins Gesischt, was se von der denke! Lees doch ema hier im Forum: wenn de was findst, wo jemand fassungslos nachfraacht, warum's Leut gibbt, die ihrm griene Ara des Schwanz abschneide, dann waaste, des war euern Besuch! Abber isch glaab aach, des de, wie immer, wenn de was Neues siehst, einfach dei grooß Klapp gehalte hast unn da konnte die Leut gaar net merke, wie dumm daß de bist!!!
Unn die Ehre hat bestimmt widder die Mia gerettet! Jaaa, daß die Leut von dere begeistert warn, des glaab isch. Abber wann se disch hädde zehe Minute uff'm Arm halte, dann wärn se heut beim Aazt wesche ner Sehnescheid-Entzündung!!!!
Wart ema abb, was die Agathe ibber disch saache werd, wenn se saache derf, was se saache will. Wenn die Azrael se läßt.
Dann gugge mer ma weider, du, du, du, du griener Gockel, du!!!
Solang, daß de weider sachst, isch lüsch unn mei Mamma lüscht aach unn die Dande Rinus aach, da waaß isch net, ob isch ibberhaupt noch mit der redde soll. Jawoll!!!
Hochachtungsvoll
Lady Ännchen Macbeth