Hallo Caruso,
hmmmmmmmmmmm, was en Name: Caaruuuuusooh!
Der zerschmilzt einem ja rischtisch uff de Zung..........
Du bist ja en rischtisch Nette, da könnt isch ja glatt ema e Mittagesse kalt wern lasse!
Daß de so uff dei Äußeres achtest, des gefällt mer, tu isch aach. Stundelang am Taach. Es geht doch einfach nix übber e gepflescht Äußeres. Bist abber aach en rischtisch Hübsche, Caaruuuuuso...... grrrrrrrrrr
Des mit dem Spiele, des geht schon in Ordnung, isch habb da nix degesche, wenn de des mache willst. Sach mer dann einfach Bescheid unn isch dös dann e Weil. Wenn de dann widder Zeit hast, gugge mer, was mer noch so mache könne.
Dei Haus iss ja werklisch e Versuchung. Sieht ja urgemütlisch aus, des dät isch mer aach ema aagugge. Abber net so schnell, ne, isch bin ja kaa Mädsche für die erst Nacht. Des dauert schon alles sei Zeit bei mir. Nur nix übberstörze.
Unn mit dene Klaane, ja, sehr nett. Da habb isch aach net werklisch was degesche. Abber, denk bitte dran, isch heiß Lady Ännchen Macbeth
Vielleischt kannste ja schon ema e Annonce uffgebbe, daß de e nette, mütterlische Amazonen-Amme suchst, weil, so ganz seh isch mei Lebe net so. Isch find, des langt, wenn die Klaane morgens komme unn brav "Guten Morgen" saache, dann im Kinnerzimmer e bissi spiele unn dann abends "Gute Nacht" saache. So mit Windelwechsel, Erziehung unn Futterbeschaffung, wenn de des organisiern könntst, wär des ganz ok für misch.
Des mit dem Kinner-Mache iss prima, abber des geht aach nur, wenn's net mei Figur ruiniert.
Abber wenn des alles so in Ordnung iss für disch, dann könne mer gern noch ema redde.
Ach, Du sachst doch, du hättst da zwaa Weibsen sitze. Wär des net e Beschäftigung für die? Wenn se für sonst nix tauge?
Wie iss'n des übberhaupt? Kommste dann mit deim Haus zu mir?
Abber vorher müsse mer uns sowieso erst ema kenne lerne, Caaruuuuuusooh.
Grrrrrrrrrr.....
Liebe Grüsse
Ännchen